Yangon CBCM panin (Office of Peace Building and Justice) Commission pan makaipi ahi Rev. Fr. Noel Naw Lat leh cCBCM-Secetary, Rev. Fr. Dominic Thang Suan Lang te Yangon pan November 8, 2025 ni-in Kalaymyo hong tungin November 10, 2025 ni zingsang pan ki pan November 12 ni dong ni (3) sung short course piakna nei uh hi.
Tua sungah Kalay Diocese hong cing hongkem Bishop Felix Lian Khen Thang in hunhon thugenna nei-in tua khitteh Rev. Fr. Dominic Thang Suan Lang in Peace and Justice tawh kisai in Pawlpi ii honghilhna Dogmatic view panin hilhcian na nei hi.
Rev. Fr. Noel Naw Lat in “The Role of Religion in Conflict Transformation” cih thulu tawh hih hun siat hun sungin bangci bangin nasem in upna te khauh sak ding cih thu te nasep ding zia leh Pawlpi honghilhna thu te hilhcianna nei hi.
Short Course kah pen Religious Community tuamtuam pan Nungaksiangtho te mi (40) kim pha hi.