13.11.2025 ni zingsang Missa 6:15 AM hunsung- in Siampi Suahma in ngah ding a kisam ahi Admission to Priesthood pen His Excellency Bishop Felix in Deacon (5) te tungah piakna nei hi.
Tua sungah Rev. Fr. Dominic Thang Suang Lang in Archpriest sem-in Rev. Fr. Raphael Suang Cin Khup in Pasian kammal tawh kha-an vakna aneih khitteh a kisam teng vaihawm sakin picing takin ki mansiang hi.
Siampi khat suah theih na dingin Minor Order ci-in
- Lectorship (Laisiangtho Simna) leh
- Acolyte (Missa Biakpiakna Sungah Siampite Huhtheihna) ci-in Minor Orders namnih kingah phot hi.
Tua khitteh Admission to Deaconate Ordination ci-in Deacon ngah theih nang phalna ki pia hi. Tua khitteh Major Order a kici Deacon za piakna ki nei hi.
Deacon suah khit ciangin Admission to Priesthood ci-in Siampi Suah theih nang phalna Piakna ki nei hi. Tua pen tuni-in a kipia ahi hi. Tua ngah lo in Siampi ki suak thei lo hi.
Zingciang zingsang (8:30 AM) in Sts. Peter & Paul Biakinnpi ah Siampi Suahna pawi ki bawl ding hi.
Buaina om lo in a ki mansiang zawh nang thungetna ah phawk ciat ni.
