Cidamna Lourdes Tonu Pawi.
St. Theresa Church, Tahan-Kalaymyo
15.2.2026 (Sun)
*
A (49) veina, Tahan St. Theresa Parish aa om cidam Lourdes Tonu pawi pen tuni-in Kalay Diocese hongcing hongkem Bishop Felix Lian Khen Thang makaihna tawh Missa Biakpiakna nop takin kibawl hi. Tua pawi sungah Mandalay Archdiocese pan Siampite Pasianthu lungngaihna a makaih in a hong pai Rev. Fr. John Aye Kyaw in kha-an vakna nasia takin nei hi.
Amah in Eve leh Singkung (Singgah) hang tawh mi khempeuh mawhna sungah ki tung hi mah ta leh Tonu Maria leh Singkung (Calvary mualungtungaa Topa Jesu a kikhaina Siangkung) Singlamteh hang tawh mi khempeuh in gupkhiatna ngah a hihna thu te kician takin hilhcianna nei hi.
Tua banah Tonu Maria pen Topa Jesu ii nungzuipi te tawh sawt vei pi kithuah a hihna thu leh amah tungah itna leh zahtakna a nei te in phat tuamna, lungnop tawldamna ngah uh a hih manin leitungah kumsim in Tonu ait a zahtak mi a tam semsem a hih na thu zong gen hi.
Hih Tonu Pawi Missa Biakpiakna sungah Siadawpa leh siampite sawmnih 20 kum pha-in, thuzuimi vekpi tul nga (5000) bang pha dingin ki lamen hi. Hun man ciangin inntek Siampipa Rev. Fr. Joseph Kap Tung Nung in lungdamkohna thu gen in tua khitteh Thuzuite piakkhiatna tawh mipi an nuamtakin a ki vakzo ahih na thu te zong gen khiatna nei hi.
