St. Mary Cathedral Parish acing akem Msgr. John Deng Cin Khup in Kalaymyo Siadawhuang sung Siampi Sinna Sanga om (Assumption Intermediate Seminarians) te Pasian thu lungngaihna ni (5) sung nuam takin makaih in October 31 ni-in buaina omlo in noptak in man siang thei hi.
Amah in Siampi Sinna Sanga om Sangnaupangte kiangah Siampi khat suah zawh nangin a kisam thu te a ma ii a tuah khak thu te bulphuhin bangci gamtat ding cih thu hilhcian na nei-in Sangnaupangte in tha ngah thei mah mah uh hi.
Tu laitak in hih Assumption Intermediate Sangah Sangnaupang mi (29) pha in Siampi (3) in amaute makaih uh hi. Ih gam sung buaina hang tawh Siampi sinna sangah a lut sangnaupang pang pen nidang tawh etkak leng tawm mahmah ta hi.
Hih sangnaupangte Siampi a suah zawh nangin thu ih ngetsak kawm in Sangnaupang a ki beh lap zawh semsem nang thu ngetsak ciat ni.
