Tuni Rev. Fr. Peter Lian ii Siampi suah zawh kum (10) cin lungdamkoh Missa Biakpiakna Siadaw huangah nasia takin ki bawl hi.
A mah in tuni-in a kisim Lungdamna Laisiangtho bulphuhin Tuu (100) lak pan khat a mang pen Topa Jesu in a zon na thu bulphuhin tua a Mang Tuu pen ei dingin ki ngaih sun leng bangzahin ih lung a nuam ding hiam ci-in gentehna tawh thu genna nei hi.
Tua banah bang mah picinna nei ta kei leng kum (10) sung Siampi sepna ah Topa Jesu in a hong ompih takpi lam phawk mahmah ing ci-in tetti panna nei hi.
Tuni pen Siampi (8), Deacon (2) leh Nungak Siangtho (7) kikhawm uh hi.
Kikhop man ciangin a kikhawm teng zing-an vakna nei hi. Nitak ciangin zong Siadaw huang sunga om teng Nasia takin anvakna nei lai ding hi.
Ama Pasian na sepna a tangzai semsem nang thu ngetsak ciat ni.