CI LE SA HOIH NANG BANG NE DING


Ci le Sa hoih theih nadingin zatui manphate nuh khit zawhteh, a thupi mahmah nek le dawn ding nam (10)te kisam beh lai hi.

1) Tanpaza
Tanpaza tui sungah Vitamin C, B, Forstparest leh Cabonhadrian te a om hi. Tuate in taangsiat te beisak a, khua ul luankhitna a vangte neu sakkik ahih man, tanpaza tui sungah khuaizu tawmno ta hel a, nikhat (1) vei ta dawn zawh den dingin hoih hi.

2) Apple
Apple sungah Melit Acid tampi tak om a, tua Acid in Ci le Sa zolsak, nosuak kiksak, ci le sa ngeek suak sakin, a hoih lo civunte kilaihsak, gilzang lian sung siangthosak, maitang tung taangsiatte beisak, ci ngosakin neelsak, cidamsak ahih manin ni khat in pumkhat ta nekzawh den dingin kisam hi.

3) Sing tangmaai
Lotion a kici, ci le sa hoih nang kinuh zatui a bawl ciangun, Sing tangmaai a kihel ban ah, satpiang bawl ciangin zong kihel hamtang hi. Sing tangmaai sungah, vitamin (A) om ahih manin, ci le sa hoih lote, hoih kiksak baih mahmah hi.

4) Thawhbat gah
Thawhbat gah sungah vitamin (E) tampitak om ahih manin, ci le sa siatna ding pan hong daalsak hi. Si hui zangneu a hoih lote hong pauh phatkik sak hi. Samzang, Khutcin, Khecinte khangsak ahih manin hong no suahsak pah hi.

5) Talee gah
Talee gah sungah Antiociden tam mahmah ahih manin, i mel hong moi sakkik a, ci le sa hong zolsakin, hong ngo sak pah sitset hi.
6) Ziidii gah
Ziidii gah nekna hangin gilzang sung na sepnate hatsak ahih manin sungpai dan a maan sak pah hi. Maitang tung taangsiatte zong bei-sakin, ci le sa hoih sak sitsetin a ngo sak beh lai hi.

7) Nahtang
Nahtang sungah Protecium tampitak om in, vitamin A, B, C, om ahih manin ci le sate zolsak a, hong nosuah sakkik hi. Ci le sa maatsak dikdek a, ham melte beisakin, tangsiat hang a piang cipawn, civomnate zong a beisak kici hi.

8) Kiwi gah
Kiwi gah sungah vitamin C, tam mahmah ahih manin pumpi sung thahatsak a, civunte nosuak sakkikin, vitamin E, zong kihel beh lai a, ci le sate ngosakin, tangsiat hong daalsak beh lai hi.

9) Leengthei gah
Leengthei gah nekna hangin cibawk ding hong daalsak a, ci lsate zolsakin, hong ngo suahsak hi. Sihui malneu no a kisiate hong puahphat sakkikin, ci le sate hong puahphat sakkikin, ci le sa a maatsak dikdek hi.

10) Strawberry
Strawberry gah sungah, vitamin (c) leh Ellagic Acid om ahih manin, civunte hong sawpsiang sakin, khua ul luanna vang sung a om niinte hong piahkhiat sak a, tangsiat neihna ding pan hong daalsakin, civun zolsakin, ci hong damsak hi.

Good Health a kiletkhia kik ahi hi.

Sir Bernard Lian