Gimnaneu daanthuak khate ading
thu ngetsakna

    Kalay Siampi lian uksung ah Fr.Joseph Pau Kap Mung makaihna tawh anungta khithu nget na (Living Rosary) hong kiphuan a, ko Tamu ah zong 15.5.1999 hun a kipan in anungta khithungetna pawlmi-in hong ki kip sak hi.

    Fr. Siampi te makaihna tawh November kha ni nih ni All Souls' Day (သချိုင်းမီးထွန်းပွဲ)  han ah asi sa khate ading, Missa biakpiakna aki bawl khit a ki pan Living Rosary pawl te makaih na tawh Tamu pan' tai lang ½ bang agamla han ah PM 4:30 hun pan thungetna, lasak na leh Pasian thu gen na, November khabeidong  kabawl uh pen, AD2000 kum pan tu-in kum(20) cing khin hi.

        November kha bei ni-in moh aki pan neek theih tuamtuam pua-in khi(50) nget khit hun man ciangin zawh na pawi kabawl uh hi. Paul Khup Khaw Pau te innkuan in khat vei aaksa buh ciim tawh a inn ah hong vaak hi. Pa Hang Lian Thang (ဆုံးနေကြ)te in kauh suai(ခေါက်ဆွဲကြော်) lim mahmah tawh han thu ngetna mun ah hong vaak hi.

    A sisa Titus Pa Tual Za Mung phawk na thupha bawl na tawh Nu Pum Khaw Niang te innkuan in voksa aaksa meh te tawh kum ki zom-in (7) vei han thu nget khit ciang in a inn ah hong vaak hi.

    Khan (han) thungetna pen gamdaai thungetna hi a, Topa Jesu in zong anungzui Peter, Jacob, John te sam in gamdaai thunget na ah taang lai pek a asisa, Mose leh Iliza te ki langh in lungdam lua , nuam sa lua uh hi.

    Khabei kuan lam ciang in, alim na kithei seem seem in, nuam seem seem a, nisim-in ki pai pai lai leh ut na lungsim ki nei hi. Mawh na dan thuak kha te phat tuam nading bek hi lo-in, Pasian nasepna hi a, eite thupha ngah nading ing zong ahih man -in Pasian in thupha hong pia a, hong awi leh mai lam ah zong kihan ciam lai ding hi.

Maku Dam Za Khen