Nulepa te in upna thu ah tate adingin saya masa pen te ahi uh hi.

          Nung Sanini sun, guahzuk zianziah laitak in, ka puankawt te suah khia in, ka ki nulkawm hi. Tua leh a ki honloh a sawtmahmah ka van koihna singkuang khat pen ka mu kha ciciat hi. Tua sungah ka it koih mahmah singtawh a kibawl singlamteh neu khat na omlai hi. Sang kakah ma, ka neulai hun in, ka lupna khan zuak tungah ka nule kappa in na khaisak hi. Kei adingin singlamteh tungah hong ki khai in hong tankhia Jesu thu ka ngaihsut ding hong deihna un ka nu le ka pa in a a na koihsak hi. Tua singlamteh pen mualkeei in, a zaate kikhok khia in, Topa pumpi pen keuseu in kawikeei ta hi. Tua pen kanamden hi.

          Ka neu thu ka phawkkhak tampi hong om hi. Tuma kum tampi lai, December kha khat in Santa Claus thu kapa in honggen in zaknop ka sa mahmah hi. Kapa in a phei tungah hong tusak in, Topa Jesu hong suakhun aa thupiang te a banban in hong gen hi. A tangthu gen te pen ka mangngil theikei hi. A ma thugen te in a upna thu in kapa i upna aliatzia hong musak hi. Christmas lungdam bawl a cih a khiatna zong ka theipah hi.

          Siangtho pumpi pen Topa Jesu silesa taktak hi cih ka theih masak na pen ka nu kiangpan ahi hi. Ka nu in Siangtho pumpi a san khit ciangin khukdin in thu ngen ngeungau hi. Hih zahta Pasain a it, a um, a ki niamkhiat mahmah ka nu gamtat zia te ka muhna in kei ading upna thu ka sinna na hih pah hi.

          Neshville khua ah om Dominican nungak siangtho te in Pasian thu hong hilhna te, ka sangkah na ah hong huh, tha hongpia ka etteh siampi te ka neihman in zong Pasian tungah lungdam kako hi.

          Hih bangin ka neulai hun pek a kipan in Pasian thu ah kaki bualkha hi. Hih bang hamphatna pen kei guak bek in a ngah ka hi samkei hi.

          Pawlpi makai te, Pilna ahawm sawn mite, ngaihsut hoih piaksiam te, thuthei mipil te i a genden thu khat in, khangno te i a masa leh a thupi pen saya te pen nulepa te ahih uh hi. Tua naupang te sangkah na leh a Pasian thusin nate in a theihna uh a behlap bek ahi hi. Hih thu pen nulepa te in thei huai mahmah hi.

          EWTN leh Catholic News Agency te in American a om Catholic thuzui te tawh ki sai thupuak khat hongbawl uh hi. Amau te thudot na pen American gamsung a gamvai nasem te, a sawtlo a hong tungding makai kitelna te, kumpi thak dingte cihthu te ahi hi.

          Tua te bek tham lo in Catholic te in Pasian thu ahahkat zia uh zong thudotna na nei uh hi. Thudotna a dawng Catholic thuuzi te lak pan 39% bek in nipi sim in kikhawm in Missa biakpiakna ah ki hel uh hi, ci-in ki mu khia hi. Hih thu te ka ngaih sut ciangin lainat huai mahmah ka sa hi.

          Khangno thahat lai te lak pan 20% te pen sihna leh ki teenna hun te lo buangah Biakinn tung ngei lo uh cih ki mu hi.

          Hih a thu kan uh pen thuman hi cih pen mikim theih ahi hi. Khangno thahat lai te in Pasian thu lam hahkatna nei nawn lo cih pen i muh tek ahi hi. Tu hun caingin khangno te in leitung ci le sa deihna ah zui nuam zaw ta uh hi. Hih bang hunsiatna pen za-etna do zawhloh na leh suahtak luatna hang hi tuan lo hi. Ahi hangin Pasian thu ki sin pih nawn lo in, pampaih na hang ahi hi.

          Pasian thu pen ki pengsak tetek in Pasian zahtakna cih te zong kiam tektek ta hi. Biakna upna pen tha hat nawn lo tektek hi. I sanggam pawlpi Protestants te sungzongah hih bang thupiang tam mahmah ta hi.

          Hih thu tawh ki sai Syadaw te in bang bawl sawm uh ahiam? Siampi te in bang panmun la uh ahi hiam? Bang hangin Pasian nasem te, pilna a nei te, media tuamtuam te, a kua mah peuh in bangkhat peuh sepkhiat sawm lo uh ahi hiam?

          A diakdiak in ah Catholic nulepa te in panmun lian pi hong lak ding ka lamen hi. Hih hunsiatna te a ventheih na ding nulepa te in kha nuntakna ki puahpha in mainawt in lamlak ding ki sam masa hi. A tate uh thuhilh in taibawl ding hi masa lo in, Pasian pen om tak pi hi. Jesu in hong it hi, cih thu te ka pa in ka neu lai in Christmas lungdam bawl thu hong gen dan in ahi zongin, ka lupna khan sungah singlamteh hong koih sak dan in ahi zongin,nulepa te in tate pan tah hun hi ta hi.

          Syadaw te, siampi te, syate in hong huh thei bek uh hi. Nulepa te in biakna pen thupi hi cih thu khangthak te in lungtang ah khenkip dingin vaipuak lian pen a nei uh hi.

Note: Parents are called to be the primary teachers of the faith to their children by Msgr. Owen F. Compion

- Vandaitui

Vandaitui