Nu leh pa, Siate kipawl khawm leng tate Nungzui hoih suak ding

    Pilna tawh kisai thu aki vaihawm ciangin Nu leh Pate, Siate leh Sangnaupangte suang thu bangin a thumin ki pawl khawmin vai hawm theihding pen thupi mahmah hi. Tua thum teng i kipawlkhawm a vaihawmna ciangbek tawh zong manpah nai lo a, gambup pilna tawh kisai mahin vaihawm a geelkhop dingzong mangngilh ding hi lo hi.

    Tua ahih manin ynma&;wuúokdvf te Motto: pen All for All cih ahi hi. Akhiatna pen “vekpi vaihawm, vekpi kilem”အားလုံးဆောင်ရွက်၊ အားလုံးတွက်တည့်” cih ahi hi.Tua hi-a athupi mah mah pilsinna khantoh nadingin akuama khem peuhin hanciam teka i sepding cih pen mang ngilh ding hilo hi. Pilsin na ah sia cih thum om hi. Nu leh pa te in sia khat na, sangsia te pen sia nih na (အာစရိယ), a sia 3 na pen Siate hong pantah siate ci-in nam 3 pha hi. (nam 3 in ki khenthei hi.) Siamasa penpente in nu leh pa ahi hi. Socrates in, “ Nu leh pate in nutakna hong pia hi. Siate in mailam hun (hong pai dinghun) hong pia hi,” na cingei hi.

    Sia Masa:             Buddha: “Parents are the Children’s best first teacher” Nu leh pate in tate i ahoih penpen sia masate  “ မိဘတို့သည် သားသမီများ၏ အကောင်းဆုံး လက်ဦးဆရာ” ahi hi. အင်းဝခေတ်ဆရာတော် ရှင်မဟာဌသာရက ကိုးခန်းပျို့ လက်ဦးဆရာ မည်ထိုက်စွာ သားပုမ္မာစရိယ မိနှင့်ဖအား၊ ci in Nu leh pate in tate adingin Siamasa pen ahihna thu tu a bangin na gelh hi. Siamasa, khut masa siate pen seploh phamawh vai thupi 5 tawh akidimte hi. “မကောင်းမြတ်တား ကောင်းရာညွှန်လတ်၊ အတတ် သင်စေ၊ ပေးဝေနှီးရင်း ထိမ်းမြားခြင်းလျှင် ဝတ်ငါးအင် ဘခင်မယ်တို့တား” ci-in သင်္ဂဇာဆရာတော် pa in nagelh leuleu hi. (Asia te kham, ahoihte lak, Siam in sinsak, pia, hawm sumbul ahuntun ciang kiteeng sak” ) na ci hi. Tua hi-a, tate tungah hih thu namnga vai thupi ikhittak ciangin Nu hoih pa hoih kici thei pan hi. “Nu leh pate in tate’ thu theihtheih hun akipan in paidan dindan, tutdan, tupdan,nekdan, khawldan cihte ahi zongin, mithatlo ding, mi na’ guksaklo ding, mi’tate susialo ding, mikhem in zuau genlo ding, kampau mukpau gamhlo ding, khamtheih guihtheih zangloding cihte ahizong,vanaih in kikholhpih tuakte, nehloh ding kikholh pihloh dingte ahizong in khan tawnin hoih suaksak nopna lungsim leh itna tawh tai in hilhin kithu hilh ciat hi.

    Tua ahih manin nu leh pate in tate i ahoih penpen siamasa na hih uh bangmah in i neu lai pilsin hungual mahin pilna sinloin, kitai kihilhloin aom nu le pate pen igal ahi hi. avmueDwd  sungah zong hih bangmah in cihi. Mipil Shakespeare in zong, “ Atate thu hoih tak a atheipa pen pilna neipa khat ahi hi, ci hi. ( He is a wise Father that knows his own child) Tate’ thu itheih mah bangin eithu ei leh ei zong i kitheih ding zong thupi mahmah hi.

    Nitumna gamlam lungsim pilna lampan in thubuai nu le pa nam 9 aomna thu kimu thei hi. (Types of Problem parents). (1) Vaipuak neilo nu leh pate (irresponsible Parents) (2) Mai et tuamnei nu leh pate ( Inconsistant Parents) (3)  A gamhtat nu leh pate (Sadistic Parents) (4) Lungsim thanem, amakaih zolo nu leh pate ( Repressed & undemonstrative Parents) (5) Hazatna nei nu leh pate (Jealous Parents) (6) lamet lian nei nu leh pate ( Over-ambitious Parents) (7) Aki dawmlua nu leh pate ( Over-cautious Parents) (8) A deih bang amanglua nu leh pate (Santimental parents) (9) Naupangte” theih dinga, akilawmlo thu te agen nu leh pate (Extrovert Parents) cihte ahi hi. Kawl te paunak ah “သားသမီးမကောင်း၊ မိဘခေါင်း” Tate hoihlo nu leh pa lubuk kici hi. Tate hoih nading nu leh pa hoih ding zong nakpitak in ki sam mahmah hi.

Nu leh Pa thu:
    Nu leh pa thu i gen ciangin INN cihzong i lungngaih ding deih ingh. Mrs.Annie Besent in agenna ah “ gambuppilna pen gambup i innte tawh khenhuailo hi. Bang hang hiam cih leh inn pan in naupang pilna pen hong kipan hi.” Tua pen ei a dingin thu thak hilo hi. Gambup pilna i ngaihsut ciangin naupangte inn pan in anuntak zia inn leh kiim leh paam cihte pen awlmawhlo a i om khak ding hilo hi.

    Siate’ciin ding thute:       “Sia” cihte pen anaupangte tungah lai theisak ding bek hilo in anaupangte tungah gamtat dingte zong azuite ahi uh hi. Tua thute in (1) Pilna siamna hilh ding (2) Dikin thuman nangin  hilh in tai ding (3) Sinding khempeuh hawi neilo in hilh ding (4) Galkhempeuh dalin kem cingding (5) Siapa tungpan sinding khempeuh abei leh akilawmbang pilnate sia dangte tungpan sinsak in puakin ap ding cih hih thungate ahi hi. Siate vangte (1) Naupangte keem cing den ding (2) Naupangte ki thuah pih ding thei ding (3) Aginat leh natloh thei ding (4) A omzia thei ding (5) A cidamna thei ding (6) Neklehdawn kicing/lo thei ding (7) khantohna nei/lo cih thei ding (8) Ei neih nek theihte zong hawm ding (9) thapia ding (10) A lawm leh gual thei ding (11) Khua pan a ki khawlhpihte theiding (12) Ciammuih bawlpih lo ding (13) Sangah akikhawlhpih theiding (14) Kamkuppih ding (15) Atha nemnate mai sak ding (16) Agam tat hoihnate thupi lak sak ding (17) Pilna alaklawhin sinpihlo ding. (18) Pilna imsin lo ding (19) Pilna avek in hilhding (siitlo ding) (20) Thei siamsakin ka hilhding hi ci-in Pa lungsim nei ding (21) Koi bang hi leh khangto ding/ khantosak nopna lungsim nei ding (22) Gamtat luheek puah ding (23) Itna masuan ding(24) Taisan loding (25) Gamtat dingte mangngilh lo-in akhialh na tawh kituakin thuhilh ding cihte ahi hi. Naupangte  Kum 1 in odef; 5 bang om ahih manin amau mailam ding cih pen Siate khut sungah om lian ahih manin” naupang hoih lo siate lubuk” nungzui hoih asuah nangun pantah siamciat ni.
   
           Paunak 22:6     “ Naupang khat aneulai in lampi maan tawnsak lecin a teekdongin lampial nawnlo ding hi.”


     Saya William