Na Kam  Cip Ding Hun Thei In.

Na kam ka kha kei in.
1.    Na hehsuah laitak in…..
    A lungtom mite hai gamtat a, mipilte lungduai hi. (Paunak 14:17)
   
2.    Thu le la aki cingin thei lo pi in…..
    A thu za khin nai lo pi-in dawnkikna pen haina le maizumna ahi hi.( Paunak 18:13)

3.    Thupiang te kantel lo pi in…..
    Teci nih ahih kei leh thum bang genna tawh a si ding pa kithat ding a, teci khat bek thugenna tawh mi kithat lo ding hi. (Thuhilhkikna 17:6)

4.    Na kammal te in a thanem mi khat a pusak ding ahih leh…..
    Note’thutheihna hangiin, Khrih in sihna aa thuakpih, thu upna sungah I sanggamte aa siasak na suak ding uh hi. (1 Korin 8:11)

5.    Na kammal te in na innkuan pih te, na lawm na gual te (ahih kei leh) Pasian min daisakna ding ahih leh…..
    Khrih mahmah in zong note adingin thuakin, ama khekkhap na zuih theih na dingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi. Khialhna bangmah gamta lo a, zuau a gen lam zong kiza ngei lo hi. Amah a kizahko ciangin na ko thuk lo hi. Gimna a thuak ciangin na tawnggawp lo a, a manin thu a khen Pasian muanin a na nei hi. (2 Peter 2:21-23)

6.    Mawhna thu te ciamnuih na bawl nop hun ciangin…..
    Mihaite in a khialh hangun phamawh sa lo uh a, mipilte a khilah ciangun mawhmaisak ding deih uh hi.( Paunak 14:9)

7.    A nua ah na kammal te hangin na mai a  zum ding leh…..
    Ka gen khempeuh ahi vive hi a, zuauthu, thukawi om het lo hi.( Paunak 8:8)

8.    Na kammal te in a siangtho na te zahtak lohna kammal te ahih leh…..
    Thu ngaihsun masa-in pau inla, Pasian’tungah thu mawk ciampak kei in. Vantungah Pasian om a, leitungah nang om na hih manin na pau ding a kilawm zahval pau kei in. (Thuhilhna 5:2)

9.    Na kammal te in ahoih lo ngaihsutna te a piangsak ding ahih leh…..
    Thu a thei taktak te in gengen khol lo a, a paupau khol lote thumu taktak hi zaw hi. (Paunak 17:27)

10.    Na gen ding thu in nang tawh a ki sai het lo thu ahih leh…..
    Lungdamna le lungkhamna eimah bek in i theih hi a, midang kuamah in hong phawkpih kha lo hi. (Paunak 14:10)

11.    A thuman lo zuau thu gen didng na hih leh…..
    Mipilte in a hoih pen in gamtatna ding thei uh a, mihai te in a cih na ding thei lo uh hi.( Paunak 17:24)

12.    Mikhat peuh i min leh vang a susia thei kammal ahih leh…..
    Migilote in siatna ding bek zongzong uh a, a kampauna te uh na a kangtum thei meikuang tawh ki bang hi. (Paunak 16:27)

13.    Na kammal te in kilawmtatna hong susiat sak ding ahih leh…..
    Ama lungsim a ki-uk zo lo mipa pen dalna kulhpi a nei lo khuapi tawh ki bang hi. (Paunak 25:28)

14.    Na gen thu pen khial hi ci-in na ngaihsut hun ciangin…..
    I leii tawh eite’pa ahi Topa I phat thei a, Pasian tawh a kisunin a kibawl i mipihte zong tua I lei mah tawh i samsia thei hi. (James 3:9)

15.    Heh gen lo in na pau theih loh ciangin…..
    Ama lungsim a ki-uk zo lo mipa pen dalna kulhpi a nei lo khuapi tawh ki bang hi. (Paunak 25:28)

16.    Paunak 13:1 sunga kammal te na ngaih ding hun ciangin….
    Ta pil in a pa’hilhna mang a, a kihisak mi in a khial min pua nuam lo hi. (Paunak 13:1)

17.    Na gen sa thu na dot kik nop ding leh (ahih kei leh) na gen thu na ki sik ding leh…..
    Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi. (Paunak 18:21)

18.    Khat vei na gen sa thu ahih  leh…..
    Tapa hai pen a pa’lungkhamna hi a, zi phunphun pen a theu thei lo guahciinn tawh ki bang hi. (Paunak 19:13)

19.    Mi hoih lo khat maitang phat gawp ding na hih leh…..
    Mimawh kimlai a diksak thukhen pa leitung a mi khempeuh iin mudah in phuisam ding hi. (Paunak 24:24)

20.    Na gen ding sangin na sep ding a thupi zaw ahih leh…..
    Gimpi-a nasepna pen hauhna hi a, kam bek pau-in tutmawkna pen zawnna ahi hi. (Paunak 14:23)

     “Kampau a ki-ip zo te lungkhamna tawh kipelh hi.”
Paunak 21:23


Vandaitui