Pasian in ka thunget hong pia lo hi.

-    “Ka gamtat hoihlohna te hong lak khiat sak in” ci-in Pasian kiangah thu ka ngen hi.
            “Kei lakkhiat ding ahi kei hi. Nang na paihkhiat, na nusiat ding hi” ci-in hong dawng hi.

-    “Khut leh khe a zangkim thei lo ka ta in damna ngahin mipicing hong hih na ding” Pasian kiangah thu ka ngen hi.
            “A kha cidam mahmah hi. Pauban na ding om lo hi. A pumpi pen tawm kha kal sung a ding bek hi” ci-in hong dawng hi.

-    “Ka lungduai, ka lungsau na dingin” thu ka ngen hi.
            “Lungduai na i cih pen haksatna te hang bek in a ki ngah thei ahi hi. Haksatna om kei leh lungduaina zong a kiman na om lo hi” ci-in Pasian in hong dawng hi.

-    “Lungnopna hong pia in” ci-in thu ka ngen hi.
            “Thupha namkim kong pia khin hi. Lungnopna ding pen nang tung bek ah ki ngah hi” ci-in hong dawng kik hi.

-    “ Nat leh sat tawh ka kipelh na ding” Pasian kiangah thu ka ngen hi.
            “Nat leh sat te leitung deihna  te tawh hong ki gam la sak in, Kei tawh nong kinai zawk na dingin  lam hong lak hi” ci-in hong dawng hi.

-    “Ka lungsim a picin zawk na ding” thu ka ngen hi.
            “Nang mahmah in na puah phat ding ahi hi. Gui leh gah hong tawi theih na dingin kong phungvuih ding hi” ci-in Pasian in hong dawng hi.

-    “Nungtakna nuam ahong pia thei na khempeuh” Pasian kiangah ka ngen hi.
            “Na khempeuh nuamtak in na zat theih na ding in, nuntakna ka hong pia ding hi” ci-in hong dawng kik hi.

-    “Amah in kei ahong it mah bangin midang te’tungah itna kei neih zawhna hong huh in” ci-in thu ka ngen hi.
            “Tu taktak teh, ka deihna tel thei taktak ta cei” ci-in Pasian in hong gen hi.

    Tu-ni pen nang ading ni manpha hi.
    Na hun mawk bek sak kei in.

Vandaitui