November 2

Q. 1. Banghang hantung khuaimei de?

           Leiah aciah kik, tua hankhuksunga akisial mi in, khuazingsungah amangthang mi hilo a, tuisawpna  (baptism) tawh Christu Jesu sungah suahthakna angah khin sa leh, Topa sihna thawhkik na sungah aki gawm mi khat ahihna hangin, amah in tu in Christu Khuavak sungah nungta hi cih na ahihi.

Q. 2.  Banghang han ah pai sese?

            Lei kongbawl lei ah naciah kikding hi ci in, Topa hongkam ciam mahbangin, Topa in lei pan ei mihing te hongbawl in, lei ah ihciah kik takpi hi. Tua hi in, lei sungah ciahkik in, tua leisungpan in ei te atho kik Topa puanpak tawh kizem in, minthangna pumpi tawh athokik ding te ihihi. Tua ahih manin, apaisa mite in amangthang hilo in, nikhat ni ciangin, amau te omna ciatpan in aminthang pumpi tawh Topa ii hanpan hongthawh kik mah bangin hongtho kikding ahih manin, amau te hongthawh kik nading mun avil leh a hah, azem leh a vamuak khol ihihi.

Q. 3. Banghang thungetsak sese?

         Thungen cihciangin, ei septheihloh, ei bawltheihloh, Pasian in ama hehpihna bek tawh hongpiak thupha te ngetna ahihi. Mi hing te khat le khat kipiak theihloh gupna thupha, hehpihna thupha te Topa in hongpaisan sa mite tungah hongpiak sakna ding in, mite telzawhloh, theihzawh loh, alamdang Topa hehpihna angen ihihi.

Q. 4. Amau te sikhin hilo maw?

         Mihing in Pasian mai ah mihing mah ahihi. Leitungah ih si a, leitungah nungta lai mah ta se leng, Pasian mai ah mihing mah i hi veve hi. Tua thu hangin, Topa Jesu in asi khinsa Lazarus pen a ihmu hi naci hi. Pasian mai ah mawhna sungah sihna longal leitung sihna pen sihna in nangaihsun lo hi. Hih thu hangin, Jesu sungah upna nei mite ih si in, leitungah hinglai ta leng, Pasian mai ah anungta vive te ihihi.

Q. 5. Asi sa kha te ading thungetsak ding Laisiangtho sungah kigelh maw?

      1Cor 15: 29 ... thu ngetsak bek hi lo in, asisa mi te tangin anungta lai mi te in tui nakiphumsak, tui naki sawpsak lai uh hi. Paul in Laisiangtho sungah tua thu hong hilh hi.
Paul in agen na ah: "banghang in asisa te adingin tui kiphum nahi uh hiam? Thawhkikna thu hangin amau te adingin tui kiphumsak hilo nahi uh hiam?" na ci hi.

2 Timoti 1: 16-18 ah Paul in asisa ahi, ama lawm, Onesiphorus ading in thungetsak na aneih ban ah, thu um mi te inzong angetsak nading un hibangin nahan thawn hi: Topa in thukhen ni ciangin ama (Onesiphorus) tungah hehpihna hongpiaksak ta hen (The Lord may grant mercy when that day (the last day) comes.

Fr.Damian Dal