HAPPY NEW YEAR TO YOU ALL!
HAPPY NEW YEAR TO YOU ALL!
Greetings from RVA Tedim Chin Service
Pasian leh mite tungah itna, a kul leh a kisam zahin anei tawntung note khempeuh tungah Kumthak Thupha kicing takin ih Biak Topa Pasian in hongpia ta hen ci-in RVA Tedim Chin Service pan thupha kongpuak uhhi.
Kumcin Lungdam kohna leh Kumthak thupha dawhna
1. RVA pan akihawmkhia Pasian thu leh la te khempeuh a en, angai, anuntak pih mimal khat kimciat tungah lungdam kongko uh hi.
2. A diak diak in RVA nasepna te khempeuh tha hongpia tawntung Kalay Diocese hong cing hongkem Bishop Felix Lian Khen Thang (Bishop of Kalay Diocese), Msgr. Martin Suan Khan Mung (Vicar General) leh Kalay Diocese sunga om Siampite khempeuh tungah lungdamna thu kongko uh hi.
3. RVA pan Pasianthu tangkona, Missa Biakpiakna leh Lasakna te tawh thuzui mite aa ding kha tha hong pia RVA Program sunga a kihel ngei Siadawpa, Siampite, Nungak Siangthote, Tangval Siangthote, Thuhilh Siate, Khangnote leh Naupangte a kuamah peuh tungah lungdam hong ko ung.
4. Sum leh Paai, thungetsakna leh ngaihsut hoih piakna te tawh ma hong panpih te khempeuh tungah lungdamna kong ko uh hi.
5. RVA pan a kihawmkhia thu le la, man le lim, lai cihte (view, Like, Comment leh Share) sepna tawh tha hongpia mimal khat kim ciat tungah lungdam kongko uh hi.
6. A tawpna leh a thupi mah mah khat at ngimna tawlna, buaina, hamsatna tampi om ding hi mah ta leh paulap tuam tuam zong kawi kawi lo-in, vaihawmna khat peuh peuh ah thu aki mang diam diam, khut khat tawi, khe khat khai bangin lawptak aa na a sem den naseppih RVA Staff teng tungah zong RVA Director mintawh nakpi takin lungdamna thu ka ko pha pha hi.
• A beisa hun sung (2020) kum ciang ciang nasepna te khempeuh ah mipite, Thuzui mite thapiakna hang tawh RVA Staff teng in zong tha ngah mah mah in lawptakin ka sem khia uh hi cih zong hong pu laak nuam ing.
• Mikim ii ngaihsut piakna te thakhatthu in a ki zuih zawh pahlian lohhangin a sawtlo in hong tang tung ding hi, sep ding program te sungah om khin hi cih thu te zong hong theisak nuam ing.
• Thuzui mite panpihna leh thapiakna te hang tawh RVA Staff teng zong a pilna, a siamna te uh hong khang sem sem dinga, kumkhat khit kum khat Online pan Pasian nasepna te hong tang zai sem sem ding hi cih thu te zong hong phawk sak nuam ing.
• (2021) Kum sungteng pen phone nei zong hong tam sem sem ding cih lemetna ka nei uh hi. Tua ahih manin Program hoih, Pasian thu nungta te tampi ih hawm khiat zawh semsem nang a beisa kum te sangin mailam huhte ah nakpi takin hanciam zaw ni cih lungdamna thu te kong pulaak kawmin, ih maban ding teng thu zui mite khempeuh tungah hong thei khol sak ing.
• Ih Biak Topa Pasian in Kumthak tawh hong thaksuah sak in lawhcin, daupaina thupha mimal khat kim ciat tungah a beisa kum te sangin a tam zaw hong pia ta hen! Amen.
By- Fr. Joseph Thang Nen Zo Mung
(Director of OSC & RVA Tedim Chin Service, Kalay Diocese)
Jzo Mung
Kalay Signis
Veronica Hawmmy
Kimpu Felix
Rosa Niang Zam Cing
Anthony Piang
Agnes Bawi
