The Pastoral Visit of Bishop Felix at Tuilangh Village, Tedim Township
The Pastoral Visit of Bishop Felix at Tuilangh Village, Tedim Township (19.6.2023)
******
Tedim Myoma Assumption of Our Lady Parish acing akem Rev. Fr. John Lian Cin Pau vaihawm siamna tawh Kalay Diocese hongcing hongkem Bishop Felix Lian Khen Thang leh a pawlte Tuithang khua pan aciah kawmin Tuilangh Khua ah bangin Siangtho Lungtang Biakinn Pawi Missa Biakpiakna June 19, 2023 ni-in nuam takin bawl uh hi.
Missa Biakpiakna hunsungin Rev. Fr. Francis Thang Za Sing in tua ni-in a kisim Laisiangtho bulphuhin kha-an vak na nei hi.
A mah in Topa Jesu lungtang ettehin muhdahna pen itna tawh thuk kik ding, na pang lang khat a hong kibet leh a lang khat lam zong nadawh in cih Laisiangtho kammal bulphihin apicing Christian nuntakna tawh nuntak ding zia te hilhcianna nei hi.
Missa Biakpiakna aman khit ciangin Sia Pau in lungdamkohna thu agen na ah Tuilangh khua a kisat pan tuni dong Tuilangh khua ah Siadaw (4) in Missa Biakpiakna bawl ngei a hihna thu leh Bishop Felix in tu a tawh nih vei a bawlna hi ci-in a lungdamna thu pulaak khia hi.
Kikhop man ciangin Tuilangh Khua te in Siadawpa Bawng Khat gawh uh a hih manin Biakinn ah mipi annek khopna ki nei-in Sun nai (1:00pm) pawlin Siadawpa leh a pawlte Kalaymyo ah ciah suak uh hi.
Tuilangh Khua bup in inn (200) a phak na lak ah Pawlpi nam (4) om in RCM Pawlpi pen inn (80) pha hi.
Tu-in Biakinn thak a lam laitak uh hi-in man sunga ih muh mah bangin a zawhna dinguh tampi kisam lai hi. Thatnih hi-in zo khin leh hoih mahmah ding hi.
A manlangin a zawh siang meng meng nang, thungetna leh piakkhiatna tawh mapang khawm ciat ni.
By- Fr. Joseph Zo Mung
2023-07-03 00:29:30
