Chrisma Hanthotna Piakna

****************************

Tuni Siangtho Lungtang Biakinnpi, Phai ah Kalay Diocese hong cing hong kem Siampilian Bishop Felix in Chrisma Hanthona piakna nei hi. Chrisma Hanthohna ih cih pen Mangkam in Confirmation kici-in Tuisawpna ngah lai aa upna bulpi nam (12) te ka upmah hi ci-in ih kiciamna te Upna te kipsak na ahi hi. Chrisma Hanthohna pan Kha Siangtho san na zong ahi hi. Hih Sacramentu ih san ciangin Gifts of Holy Spirit nam (7) te leh the Fruits of Holy Spirit (Galatians 5:22-23) na sunga a kigelh Kha Siangtho gah te ki ngah hi. Hih ih ngah Kha Siangtho (ih sansa) Kha Siangtho tawh upna te mite lak ah Tetti ih pang ding kisam hi. HIh Sacramentu ih san ciangin Siadawpa in ih taltang pan in Sathau Siangtho a hong nuh khit teh ih pangzong hong beng (zut) hi. Tua in haksatna thuakzo ding cih na hi-in picingta hi. Pasian na sem thei ta hi cih lim lahna ahi hi. Tua ahih manin Chrisma Hanthohna pen Khasiangtho sanna Pawi hi-in tua ih ngahsa tua ih sansa Kha Siangtho tawh Pasian nasep a semdingin picingta hi cihna ahi hi. Hih Chrisma Hanthotna Sacramentu ih sang ciangin (7) Gifts of Holy Spirit leh (Galatians 5:22-23) cih thupha te kingah hi. Tua ih ngah thupha te tawh mite maiah Tetti pangin Paian nasep kipan ding cih na zong ahi hi. Tuni Chrisma Hangthotna a sang naupangte te in a nuntak na uh tawh Khasiangtho Pasian tetti a pang zo te a suah den zawhnangun thungetsak ciat ni.

Hun manteh Pawlpi Upa teng leh Khangno sung Pan mun nei teng tawh man kilak na.

#RVATedimchinservice #zomicatholiconline #KalayDiocese #rva