November 19, 2021

***********

India gam, Gao khua, Nazareth Siangtho Innkuan nungak Siangtho Sang pan Nungak Siangtho te in Numei kizuak te, thanem mite kiangah vaipai in huhna, thapiakna nei uhhi.

 Akizuak mite puahphatna leh kepna dingin Asha Sadean, “Lametna khuavak”ci-in min avawhuh, inn khat  hong uh a, tua munah kizuakna pan ahotkhiat uh mite nuntakna apicin kik theih nadingin  nasep masuan hoih leh Siamna tuamtuam te sinsak uh hi.

''Ko adingin a angtan huai nasep khat ahih banah  ka nawkkhak dinguh haksakna khat zong ahi hi''ci-in Sr.Lawrencia in gen hi.

“ Mi pai ngeilohna lampi te ahihziak in hamsa hi. Inn te zong nin mahmah a, lampi te zong kihhuai in, a omna inn te pen a tenghuai lo innsia vive ahi hi.”ci-in Sr.Lawrencia in genbeh hi.

Sr.Ronamotoes in zong “ A inn uhah i hawh ciangin, annhuan kawmin nasep buai mahmah thamlo in, a pumpi uh tawh sum zongin aom uh ka mu hi. Khat veivei teh ka vahawh uh deihtuak mel lo hi.  Amau kiangah a paiden leengla te om ahihman in a annkuang uh a nawngkai sak tawh ka kibang uh hi,” ci-in gen hi.

”Amau nuntak zia kamuh uh teh hehpih huai kasa mahmah hi. Tua hehpihna lungsim leh Pasian ka itna uh in, hih Singlamteh pen lawptak in puak nopna lungsim hong guan hi,” ci-in Sr.Maque in gen hi. 

Hih Nazareth siangtho innkuan nungak Siangtho te'ki pawlna  pen Fr. Faustino De Souza in, 1935 kum in phuan khia in, tualsuak Nungak Siangtho te vive ka hi uh hi. 

Hih "Lametna Khuavak inn" pen pahtawina tampi angah ki kepna inn khat ahi hi. 1996 kum in a thupi pen pahtawina  ahi;“Gamsung naupang te akem” pahtawina ngah in, India kumpi i theihpih kikepna inn khat ahi hi. 

Hih nasepna i ngimna bulpi in a kizuak mite huhin suakta sakding, zawngkhalna a bei nading huhna piading, Pasal te ii bawlsiatna athuak numei te huhding, mihing kizuakna abei siang nading,cih ngimna te ahi hi.

"Sister te  in tampi honghuh hi. Tu-in Sister te kahuh hun dinguh hi ta hi,” ci-in tua inn a om Mary in gen hi. 

"Nungak siangtho te tungah lungdam mahmah ung. Zahtakna tawh honghuh hongkem in Vaang hong pia uh hi. Tu-in zong ko bang numei tampi huh lai uh hi. Ka lung uh dam mahmah in nuam mahmah hi ung. Pasian tungah zong lungdam ung,"ci-in genbeh lai hi.

#RVATedimchinservice 

#KalayDiocese 

#Thuthak

#1001news