Tuni Tahan St. Theresa Biakinn pi ah St. Franciscan Sister te (4) in khantawn kiciamna bawl uh hi.

Hih kiciamna a bawl Nungak Siangtho (4) te pen 1. Sr. Mary Cing Hau Vung (Tonzang) (Posting Place- Yangon). 2. Sr. Helen Dim Man Huai (Heilei) (Posting Place-Yangon). 3. Sr. Margaret Dim San Huai (Tedim)  (Posting Place- Yangon) 4. Sr. Dominica Nuam Sian Muang (Tonzang) (Posting Place- Bolivia Chile, Latin America) cih te pah ahi uh hi.

Hih kiciamna hunsung Missa Biakpiakna pen Kalay Zone Vacar Forane Rev. Fr. Dominic Thang Suan Lang (P.P of St. Mary's Cathedral) in makaih in Rev. Fr. Robert Kam Khaw Hau (P.P of Munlai) in Pasian thu tangko na hong nei-in Siampi te zong (20) kim kihel thei-in thuzuite zong Biakinn dim in hong kikhawm thei uh a hih manin tha kingah mahmah hi. Inntek Topa Rev. Fr. Joseph Kap Tung Nung vaihawm siamna tawm (FMM) Sister te in kikhoptuah ciangin (ဒံပေါက်) tawh sun an hong vak hi.

       Ih Kawlgam sungah buaina hamsatna tampi a om kawmkal panin ih Gam leh Lei aa ding thungetsak ding dingin a ki pumpiak Pasian nasem Nungak Siangtho (4) te in khantawn kiciam na hong la thei a hih manun ih Biak Topa Pasian tungah lungdamna thu ih ko hi.

         Sister te aa dingin zong thungetsak ciat ni. Ih gam hoihna dingin thatang tawh a sem khia mitampi a om mah bangin thungrtsak na tawh ma a panpih ding zong mi tampi ih kisam lai hi. 

       Ih gam leh ih lei a hoih in ki-uhna man a manlangin ih ngah zawh nadingin thungetna leh Biakpiakna tawh ma a pang ding Pasian nasem mi tampi a om semsem zawh nangin thu ngen ciat ni.

       Congratulations! Dear Sisters. May God bless you all.

#RVATedimchinservice 

#KalayDiocese 

#rva #fmm ^-