Pastoral Visit of Bishop Felix at Suangpi Village
Pastoral Visit of Bishop Felix at Suangpi Village
Thupha! Thupha! Thupha!
Hun Nautaang Nipikaal (19) Na
(Sun.) August, 11.2019 ni-in Siangtho Lungtang Biak innpi leh a sungaa ki khom thuzuiten' Pasian thupha ahun zui in sang zelzel uh hi. Secret Heart Boading naupangte zong mimal 70 val pha in nop ci mahmah hi. Salanla sak leh Lai Siangtho sim cih khongzong hongsim ziahziah uh hi. Kalay Diocese hong uk Siadawpa, Rev. Fr. Peter Thawng Mung, Rev. Fr. Titus Pau leh Rev. Sister te hon khat hongpai in thuzuite tawh Misa Biakpiakna nuamtak leh limci takin ki bawl khawm thei hi. Siadawpa in thuzuite kisap mahmah khantohna ding thu leh Kha-an vakna hong nei hi. "Tuisawpna in gamluahza ahi hi," hong ci hi. Tu hun ciangin lungmuan na om lo, ni dang lai in lamlakah ih singpuak ki koih, buk sungte ah um leh bel, nikten puan silh, nek leh dawn ki koih hi. Tun tua bang ki koih ngam nawnlo hi. Hunki khel hi phatmawh sakna ki neilo, seh ki nei lo hi. Hih upna in lampi maan hong totpih diam?" Ci-in ei le ei ki sit tel theihna dingin hong hanthawn hi.
Missa man khit ciangin Sia Peter Aungpi in lungdam koh thuzak sakna hong nei hi. Tua teng lakah Suangpi Parish hong keem Rev. Fr. Sylvester Sang aading in Motor Cycle khat Tedim aa om Nu Theresa Cing (Vuandok) in hong piak lam hong gen khia in, tua banah Suangpi Khua aa om St. Theresa Convent aa dingin 135 motor cycle khat Siadawpa in tu kha kipat lamin a piakna thu hong gen khia hi. A zangding Topa leh Sister te Topan thupha hongpiak sak henla, a mission nasepna uh hong tangzai zaw semsem ta hen. A piakhia amimal kim tungah Topan lungnop mapai, cidamna khansauna thuphate tampi tawh hong thuh kiksak ta hen.
Pi Grabriela Tel Khan Cing kum 73 cin Birthday lasakna zong ki nei in, ki khop khit biakinn pua lamah Pi Cing te cit piakna ahi aksa taangcim ki ne in lim kisa thei mahmah hi.
Tuni nitak Siadawpa, Siampite leh Sister te pahtawina in khangnote makaihna tawh lenkhopna ki nei dingin hong pulak khia hi. Topan aa tuu cingpa, ama nasem te' tung leh a maute a pahtawi thuzuite tungah thupha tampi tawh hong dim tahen.
#RVA, #WordofGod, #Tedim, #KalayDiocese, #Zomi, #Gospel, #Reflections, #Suangpi, #Homily,
Like us on https://bit.ly/2G56oll
See us on https://bit.ly/2XGCVt6
and Follow us on https://bit.ly/2LMA9ek ,
https://bit.ly/2YqcFDv
